«Հայ աստղեր» և «Նանե» պարային համույթները մասնակցել են միջազգային ժողովրդական փառատոնի

04 հոկտեմբերի, 2025

Հնդկաստանի միջազգային ժողովրդական 9-րդ փառատոնի շրջանակներում «Հայ աստղեր» և «Նանե» պարային համույթները Նյու Դելիում հանդես են եկել «Հայաստանը շարժման մեջ» պարային ծրագրով:

Մշակութային կապերի հնդկական խորհրդի (ICCR) գլխավոր տնօրեն Կ. Նանդինի Սինգլան իր խոսքում ջերմորեն ողջունել և բարձր է գնահատել Հայաստանից ժամանած համույթների մասնակցությունը Հնդկաստանում ունեցած ելույթների համար:

Բացօթյա համերգին ներկա են եղել ՀՀ դեսպան Վահագն Աֆյանը, դեսպանության աշխատակիցները, հայ համայնքի ներկայացուցիչներ, ինչպես նաև Նյու Դելիում գտնվող պարաաթլետիկայի Հայաստանի հավաքականը: Ազգային պարերի կատարումներն ուղեկցվել են Հայաստանի տեսարժան վայրերի ցուցադրումներով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր